Elordada kólik urlaýmen aınalysqan ury qolǵa tústi

Bul týraly búgin Astana qalalyq ishki ister departamentiniń Tergeý basqarmasy bastyǵynyń orynbasary Talǵat Jumanov málim etti.

Onyń aıtýynsha, 22 maýsym kúni Saryarqa aýdandyq ishki ister basqarmasyna maýsymnyń 21-inen 22-sine qaraǵan túni aýlada turǵan «Folksvagen Passat» markaly kóliginiń urlanǵandyǵy týraly 46 jastaǵy azamat ótinish bergen. «Aıdap áketý» jedel aldyn alý is-sharasy barysynda 17 shilde kúni buǵan deıin birneshe márte sottalǵan 31 jastaǵy elorda turǵyny atalǵan qylmysqa kúdikti retinde ustaldy. Ol osy qylmysty jáne birneshe kólikti urlaǵandyǵyn moıyndap otyr», - dedi ol.

T.Jumanovtyń atap ótýinshe, osy is boıynsha qylmystyq is qozǵalyp, kúdikti ýaqytsha oqshaýlar ornyna qamalǵan.