Elordada kólik tekserýdiń jańa qyzmeti engizildi
ASTANA. QazAqparat - Endi kólikke jol qozǵalysy erejelerin buzǵany úshin salynǵan aıyppuldardy smart.astana.kz saıtynda onlaın rejımde tekserýge bolady.
«Astana Innovations» AQ qoldaý departamentiniń habarlaýynsha, tıisti aqparatty alý úshin avtomobıldiń jáne tehnıkalyq tólqujattyń nomerlerin engizý kerek.
Jańa qyzmet «Tirshilik áreketin keshendi qamtamasyz etý júıesi» (TKQJ) men Astana qalasynyń álemniń damyǵan 30 «smart» qalasynyń qataryna enýi jónindegi sharalar aıasynda usynylyp otyr.
TKQJ maqsaty baqylaý salasynda jańa tehnologııalardy qoldana otyryp, jol qozǵalysy qaýipsizdigin qamtamasyz etý bolyp tabylady. Atap aıtqanda, bir ýaqytta birneshe JQE buzý jaǵdaılaryn tirkeýge múmkindik beretin (jyldamdyq rejimin buzý, baǵdarshamnyń tyıym salynǵan belgisine júrý jáne belgiden asyp toqtaý) jol qozǵalysy erejelerin avtomatty foto jáne beınetirkeý júıesin qoldaný.
Búginde beınebaqylaý kameralary qalanyń kólik aǵyny mol qıylystarynda ornatylǵan. Quraldar joldyń qandaı da bolmasyn bóliginde jol berilgen buzýshylyqtardy udaıy baqylap turady.
