Elordada kólik nómirlerin zańsyz jasap kelgen Reseı azamaty ustaldy
NUR-SULTAN. QazAqparat - Elordada kólikterdiń memlekettik tirkeý nómirlerin zańsyz jasap kelgen Reseı azamaty ustaldy. Bul jaıynda QR Іshki ister mınıstrligi Feısbýkte taratqan vıdematerıalynda aıtylǵan, dep habarlaıdy QazAqparat tilshisi.
«Krımıaldyq polıtsııa qyzmetkerleri jedel izdestirý kezinde avtokólikterdiń nómir belgilerin, onyń ishinde suranysqa ıe nómirlerdiń kóshirmesin zańsyz ázirlep, satyp júrgen alıaqtyń isin áshkereledi. Polıtsııa qyzmetkerleri áleýmettik jelilerde memlekettik nómir belgileriniń kóshirmesin daıyndaýǵa tapsyrys beretin akkaýntardy anyqtady. Sondaı-aq abonent nómirleriniń ıeleri de belgili boldy. Kúdikti Nur-Sultan qalasynda turatyn Reseı Federatsııanyń azamaty bolyp shyqty», - dedi QR Іshki ister mınıstriniń keńesshisi - resmı ókil Nurdildá Oraz.
Onyń atap ótýinshe, alaıaq uıaly telefon arqyly tapsyrys alyp, RF Omby qalasyndaǵy óziniń sybaılasyna jalǵan avtokóliktiń nómir belgilerin ázirleýge joldap turǵan.
«Tintý kezinde Nur-Sultan qalasyndaǵy JShS qoımalarynyń birinde satýǵa qoıylǵan birneshe avtokóliktiń nómir belgileriniń kóshirmeleri anyqtaldy. qazir kúdikti ustalyp, tergeý amaldary jalǵasyp jatyr», - dedi ol.
