Elordada kólik nómirin urlaǵandar ony qaıtarý úshin aqsha talap etken
NUR-SULTAN. QazAqparat – Elorda polıtsııasyna qala turǵyny kóliginiń nómiri urlanǵanyn aıtyp shaǵymdanǵan. Bul týraly QazAqparat Nur-Sultan qalasy polıtsııa departamentiniń baspasóz qyzmetine silteme jasap habarlaıdy.
Túnda onyń Reseı Federatsııasynda esepte turǵan Toyota Estima markaly kóliginiń nómiri urlanǵan. Nómirdi urlap alýshy kóliktiń aldyńǵy áıneginde nómirdi qaıtarý úshin 25 myń teńge aqsha tóleýin talap etkeni hat qaldyrǵan. Onda urynyń Telegram akkaýnty kórsetilgen.
«Almaty» aýdandyq polıtsııa basqarmasynyń qyzmetkerleri kólik nómirin urlaǵan eki bopsalaýshyny anyqtady. Olar Qaraǵandy oblysynyń 33 jáne 35 jastaǵy turǵyndary bolyp shyqty.
Kúdiktiler Qaraǵandy qalasynyń aýmaǵynda ustaldy. Elordaǵa jetkizilgen olar kinásin moıyndady. Urlanǵan kólik nómiri ıesine qaıtaryldy.
Atalǵan fakti boıynsha QR Qylmystyq kodeksiniń 194-babymen («bopsalaý») qylmystyq is qozǵaldy. Qazir kúdiktilerdiń buryn elorda aýmaǵynda osyǵan uqsas qylmystarǵa qatysy anyqtalyp jatyr.
