Elordada kólik qozǵalysy 20 paıyzǵa azaıdy – ákimdik
NUR-SULTAN. QazAqparat – Koronavırýsqa baılanysty elordada adamdardyń qozǵalysyna shekteý qoıylýy múmkin. Bul týraly Ortalyq kommýnıkatsııalar qyzmetinde ótken brıfıngte Nur-Sultan qalasy ákiminiń orynbasary Baqtııar Máken aıtty, dep habarlaıdy QazAqparat tilshisi.
«Karantın rejımi iske qosyldy, komendanttyq saǵat josparlanyp otyrǵan joq. Qala turǵyndarynyń qozǵalysyn shekteýge shaqyramyz, sebebi biz qala aýmaǵynda tazalaý jumystaryn júrgizemiz. Bul jaǵdaıǵa túsinistikpen qaraýlaryńyzdy suraımyz. Qazirgi ýaqytta kólik qozǵalysy 20% deıin azaıdy», - deıdi Nur-Sultan qalasy ákiminiń orynbasary Baqtııar Máken.
Sondaı-aq, ol qala turǵyndarynyń qozǵalysyna shekteý qoıylýy múmkin ekenin aıtty.
«Adamdardyń qozǵalysyna da shekteý qoıylýy múmkin. Jumys berýshiler buǵan túsinistikpen qarap, qyzmetshilerdi úılerinde onlaın rejımde jumys isteýge jiberýi kerek», - deıdi ol.
