Elordada kólik kesheniniń keleshegi talqylandy

INFRAQURYLYMDY JAŃǴYRTATYN 50 NYSAN

Bul konferentsııa - zamanaýı qalalardyń kólik keshenderimen tanysýǵa, tájirıbe almasýǵa, ózekti máselelerdi birge tal­qylaýǵa arnalǵan erekshe múm­kindik. Eki kúnge jalǵasqan aıtýly is-sharanyń resmı bólimin Astana ákimi Áset Isekeshev, Halyqaralyq qoǵamdyq kólik odaǵynyń Bas hatshysy Alan Flaýsh jáne QR Investıtsııalar jáne damý vıtse-mınıstri Berik Qamalıev ashty.

Búginde elordanyń kólik júıesinde 952 kóshe bar. Al joldardyń jalpy uzyndyǵy 950 sha­qyrymnan asady. Astanada kólik júıesin damytý men jańǵyrtý barysynda basymdyq eń aldymen jaıaý júrginshilerge, velosıpedpen júrgenderge jáne qoǵamdyq kólikterge beriledi.

Minberge birinshi bolyp kóterilgen qala basshysy Áset Isekeshev Astananyń kólik keshenin damytý men jańǵyrtý baǵytynda atqarylǵan jumys­tardy sóz etti.

- Qala qarqyndy órkendep jatyr. Halyq sany da artyp, Astana megapolıske aınaldy. Sáıkesinshe, kólikterdiń de sany kóbeıdi. Bul jol-kólik qozǵalysyna aıtarlyqtaı salmaq túsiretini anyq. Búginde elor­danyń kólik júıesinde 952 kóshe bar. Al joldardyń jalpy uzyndyǵy 950 shaqyrymnan asady. Astanada kólik júıesin damytý men jańǵyrtý barysynda basymdyq eń aldymen jaıaý júrginshilerge, velosıpedpen júrgenderge jáne qoǵamdyq kólikterge beriledi. Odan keıin baryp jeke kó­likter qarastyrylady. Bul basta­malarǵa kólikpen júretin astanalyqtar tarapynan kelis­peýshilik týýy múmkin. Alaıda munyń bári aldymen qoǵamdyq ıgilik retinde qolǵa alynyp jatyr. Kelesi jyly qoǵamdyq keńistiktiń 50 aımaǵy qurylysy jobasyn bastaýdy josparlap otyrmyz. Sonyń aıasynda 17 gúlbaq, park jáne ózen jaǵalaýlarynda jaıaý adamdar men velosıpedshiler úshin arnaıy aımaqtar ashylady. Elordada jol jelisin damytý ózekti másele bolyp tur. Sondyqtan

25 jol men 6 kópirdiń jáne 19 kólik jolaıryǵy men ótpe­jol­dardyń qurylysy josparlanýda. Jalpy ınfra­qury­lymdy jańǵyrtý úshin 50 nysan qam­tylady. Qazir osy joba­lardyń qarjylandyrý jaǵy qaras­ty­rylýda, - dedi elorda ákimi.

JEŃІL RELЬSTІ KÓLІK JÚIESІ TÁÝLІGІNE 150 MYŃ ADAM TASYMALDAIDY
Astananyń ajaryn aıshyq­taıtyn, kólik júıesin edáýir jetildire túsetin mańyzdy jo­balardyń biri - LRT jeńil relsti kólik. Osy jobanyń jaı-japsaryna toqtalǵan qala basshysy Áset Isekeshev jú­zege asyrýdyń alǵashqy keze­ńin­de LRT qashyqtyǵy 22,4 sha­qyrymdy quraıtynyn aıtty.

Bul jol «EKSPO» qala­shy­ǵy, Nazarbaev ýnıversıteti, «Abý Dabı plaza», Mı­nıstr­lik úıi jáne jańa temir­jol vokzalynyń aralaryn jal­ǵaıdy. Júıe jabyq túrde jab­dyqtalatyn 18 stansany qamtıdy. Joba iske qosylsa, táýligine 150 myń adam tasy­mal­daıtyn bolady. Munda jolaý­­shylardyń qaýipsizdigi de eskeriledi.

Sondaı-aq, júıege esta­ka­dalyq jol, 19 jyljymaly quram jáne bir depo kiredi. Jyl­jymaly quramdar tu­tas­taı avto­mattan­dyryl­ǵan bolady jáne jolaqy­syn elek­trondy tóleý júıe­simen, dabylqaqqyshpen, aqparat­tandyrý, vıdeobaqylaý júıe­lerimen jabdyqtalady.
Atalmysh kólik túriniń Asta­nanyń aýa raıyna tolyqtaı beıimdelýi de qarastyrylǵan.

LRT qashyqtyǵy 22,4 shaqyrymdy quraıdy. Bul jol «EKSPO» qala­shyǵy, Nazarbaev ýnıversıteti, «Abý Dabı plaza», Mı­nıstrlik úıi jáne jańa temir­jol vokzalynyń aralaryn jalǵaıdy. Júıe jabyq túrde jabdyqtalatyn 18 stansany qamtıdy. Joba iske qosylsa, táýligine 150 myń adam tasy­mal­daıtyn bolady.

Jeńil relsti kólik júıesi elordanyń bedelin kóterip, tanymaldylyǵyn arttyrýǵa, qala turǵyndary men qonaq­taryn jaıly ári jyldam ta­symaldaýǵa jáne qaýipsizdikti qamtamasyz etýge, jol júrý ýaqytyn qys­qartyp, únemdeýge áser etedi. Sonymen qatar, bul júıe jol-kólik qozǵalysyna keri yqpalyn tıgizbeıdi.

ASTANANYŃ AVTOBÝSTARY TÚGEL JAŃARADY

Astana ákimi Áset Isekeshev shahardaǵy kólik quraldarynyń sany men sapasyn da tilge tıek etti.
- Qazir astanalyqtardyń tek úshten bir bóligi ǵana qo­ǵamdyq kólikpen júredi. Bul kórsetkishti jaqsartý úshin av­tobýs parkterin jań­ǵyr­tý­dy oılastyrýdamyz. Qazirgi tańda qalada 1 140 avtobýs bar. Onyń úshten bir bóligi - zamanaýı «IVECO» avto­býstary. Aldaǵy 5 jylda shahardaǵy avtobýstardyń barlyǵyn tú­gel­deı jańalaý kózdelip otyr, - dedi elorda ákimi.

Sonymen qatar, qala basshysy búginde oń nátıjesin bergen qoǵamdyq kólikterge arnalǵan jolaqtardy syzý jalǵasatynyn atap ótti. Onyń aıtýynsha, jolaý­shylardyń arasynda múmkindigi shekteýli adamdarǵa erekshe kóńil bólinedi: barlyq avtobýs­tarda pandýs bolady jáne aıaldamalarǵa taktıldi plıt­kalar tóseledi. Balalardy qaýipsiz tasymaldaý úshin «Shcoolbus» júıesi jumys isteıdi. Jolaýshylarǵa jolyn baǵ­darlaýǵa qolaıly bolýy úshin «Astrabus» mobıldi qosymshasy iske qosyldy. Qazirgi tańda bul qosymshany 2 myńnan asa adam qoldanady. Qazan aıynda qosymsha barynsha jetildirilgen túrde jumys isteıdi.

AVTOTURAQ KEŃІSTІGІ KEPTELІSTІ AZAITADY

Kólikterdiń kóbeıýi kóshedegi qozǵalysqa ǵana salmaq túsir­meı, olarǵa turaq tabý da úlken máselege aınalǵan. Bul jaǵ­daıdy retteý úshin Astanada «Avto­turaq keńistigin baqylaý» jobasy qolǵa alynyp jatyr. Osy taqyrypty elorda basshysy Áset Isekeshev te qozǵady.

- Kólik júıesin damytýdaǵy mańyzdy baǵyttardyń biri - avto­turaq keńistigin basqarý jobasyn iske asyrý. Bastama halyq­aralyq keńesshilerdiń qaty­sýymen ázirlengen. Jobada kóshe boıyndaǵy turaq­tar, vokzal mańyndaǵy aý­maqtar, aıyp turaq­tary, úı aına­lasyndaǵy aýmaq­tar es­kerildi. Muny júzege asyrý bary­synda turǵyndarǵa belgili bir qolaısyzdyq týýy múm­kin. Biraq bul - álemdik táji­rıbede ábden zerttelgen, sarap­talǵan joba, - dedi Astana ákimi.

Joba kezeń-kezeńimen iske asyrylady. Kólik ıeleri úshin turaq keńistigi oryn tań­ba­larymen, belgilermen, tólem úderisin sıpattaıtyn aqpa­­rattyq taq­talarmen, son­daı-aq bos turaq oryndary kór­setiletin elektrondy taq­ta­larmen jáne qolma-qol aq­shasyz tóleýge arnalǵan parkomattarmen jabdyqtalady.

«Astana qalasynyń avtoturaq keńistigin basqarý» jobasy jol jelilerine túsetin júkti 20-30 paıyzǵa azaıtýǵa, jol erejelerin buzýdy 70-80 pa­ıyzǵa kemitýge áser etedi.

Orynbek ÓTEMURAT