Elordada kólik qaqqan jaıaý júrginshi oqıǵa ornynda kóz jumdy
ASTANA. Qarashanyń 20-sy. QazAqparat - Keshe elordada kólik apatyna ushyraǵan jaıaý júrginshi oqıǵa ornynda mert boldy,
dep habarlaıdy QazAqparat Tótenshe jaǵdaılar mınıstrliginiń baspasóz qyzmetine silteme jasap.
Saryarqa jáne Gertsen, Oqjetpes kósheleriniń qıylysynda «Ford» kóligi 1966 jyly týǵan áıeldi qaǵyp ketken.
Osyndaı oqıǵa Almaty oblysynda da oryn aldy. Eńbekshiqazaq aýdanyndaǵy Almaty - Kókpek - Kóktal kúrejolynyń boıynda ketip bara jatqan 1929 jyly týǵan qart áıeldi Toıota avtokóligi basyp ketti. Keıýana oqıǵa ornynda jan tapsyrdy.
