Elordada kólik basqaryp kele jatyp uıaly telefondy paıdalanǵany úshin 85 júrgizýshi aıyppul tóledi - JPB
ASTANA. 16 mamyr. QazAqparat - Ótken demalys kúnderi elordada kólik basqaryp kele jatyp uıaly telefondy paıdalanǵany úshin 85 júrgizýshi aıyppul tóledi,
dep habarlady Astana qalalyq jol polıtsııasy basqarmasynyń baspasóz qyzmetinen.
Jol polıtsııasy qyzmetkerleriniń nazaryna jol erejesin túrli dárejede buzǵan 1042 júrgizýshi ilikti. Atap aıtqanda, 22 azamat kólikti mas kúıinde basqarǵany úshin, al 128 júrgizýshi belgilengen qozǵalys jyldamdyǵyn asyrǵany úshin ustaldy. Sonymen qatar 6 júrgizýshi joldyń qarsy betine shyǵyp ketkeni úshin, 14 júrgizýshi kólikti qujatsyz basqarǵany úshin, al taǵy 85-i kólik basqaryp kele jatyp uıaly telefondy paıdanǵany úshin aıyppul tóledi. 22 avtokólik aıyp turaǵyna qoıyldy.
