Elordada kóleńkeli bıznespen aınalysqan top anyqtaldy

NUR-SULTAN. QazAqparat – Elordada qarajatty zańsyz qolma-qol aqshaǵa aınaldyrý faktisi anyqtaldy, dep habarlaıdy QazAqparat Qarjylyq monıtorıng agenttigine silteme jasap.

Ustalǵan adamdar toby ózderiniń is-áreketimen memleketke 6 mıllıard teńgeden astam somada zalal keltirgen.

Olar zańdy rásimderdi aınalyp ótip qarajatty qolma-qol aqshaǵa aınaldyrýmen aınalysyp, qyzmetter kórsetpeı, jumystardy oryndamaı jáne taýarlar is júzinde tıep-jóneltilmeı baqylaýdaǵy 35 kásiporynnan jalǵan shot-faktýralar jazyp bergen.

Sot barlyq alty kinálini naqty merzimge bas bostandyǵynan aıyrý úkimin shyǵardy.

Barlyq aıyptalýshylar 10 jyl merzimge kásipkerlik qyzmette basshylyq laýazym atqarý quqyǵynan aıyryldy.

Tólenbegen salyqtar kameraldyq baqylaý men salyqtyq aýdıt sheńberinde kontragentterden tolyq kólemde óndirip alynady.