Elordada qolaısyz aýa raıynan áýe reısteri keshigip jatyr
NUR-SULTAN. QazAqparat – Nur-Sultan qalasynda qolaısyz aýa raıynan áýe reısteri keshigip jatyr. Bul týraly áýejaıdyń baspasóz hatshysy Ánýar Shálekenov málim etti, dep habarlaıdy QazAqparat tilshisi.
«Elordada aýa raıynyń qolaısyzdyǵyna baılanysty Nursultan Nazarbaev áýejaıynan 10 ushyp shyǵatyn jáne 7 ushyp keletin áýe reısi keshiktirildi. Jolaýshylardan áýe reısi týraly aqparatty koll-ortalyqqa habarlasyp nemese áýejaıdyń anyqtama bóliminen bilýin suraımyz», - dedi Ánýar Shálekenov.
Eske sala keteıik, «Qazgıdromet» mamandary 15 aqpan, seısenbige arnalǵan aýa raıy boljamyna sáıkes, atmosferalyq aǵyndarǵa baılanysty Qazaqstannyń basym bóliginde kún qubylmaly bolady. Elimizdiń soltústigi men shyǵysynda qalyń qar jaýady.
