Elordada qoqys qaldyqtaryn tókken 78 júrgizýshi jaýapqa tartyldy
ASTANA. QazAqparat - Elordada jyl basynan beri belgilenbegen orynǵa qoqys qaldyqtaryn tókken 78 júrgizýshi jaýapkershilikke tartyldy. Bul týraly elorda ákimdiginiń resmı saıtynda jarııalandy.
Ondaǵy málimetterge qaraǵanda, Astana qalasynyń ІІD Jergilikti polıtsııa qyzmetiniń tabıǵatty qorǵaý polıtsııasy qyzmetkerlerimen stıhııalyq qoqys qaldyqtaryn tógýge jol bermeýge baǵyttalǵan is-sharalar turaqty júrgizilip otyrady.
Osy maqsatta qoqys qaldyqtary kóptep tógiletin jerlerge tekserister júrgizilýde. Turǵyndar arasynda ákimshilik zańnamany buzǵany úshin beriletin jaýapkershilik týraly túsindirý jumystary da turaqty túrde júrgizilip otyrady.
Osy jyldyń aqpan aıynda ІІD JPQ tabıǵatty qorǵaý polıtsııasy qyzmetkerleri «Gazel» markaly avtokóliginiń júrgizýshisi Belıakov kóshesiniń boıynda sondaı-aq, «Han Shatyr» OSO artynda «Kamaz» markaly avtokóliginiń júrgizýshisi belgilenbegen orynda qar tókkeni anyqtaldy.
Atalmysh quqyq buzýshylar QR ÁQBtK-niń 505 baby «Qalalar men eldi mekenderdiń aýmaqtaryn abattandyrý qaǵıdalaryn buzý...» boıynsha ákimshilik jaýapkershilikke tartylyp, árqaısysyna 15 AEK (36075 tg) kóleminde aıyppul salyndy.
Jalpy 2018 jyldyń basynan beri belgilenbegen orynda qoqys qaldyqtaryn, qarlardy shyǵaryp, las suıyqtyqty tókken 78 júrgizýshi jaýapkershilikke tartyldy. Salynǵan aıyppuldyń jalpy sommasy 2 mln. teńgeden astam.
