Elordada «Kóktemgi tosyn syılyq» atty jármeńke ashyldy
qpannyń 25-i. QazAqparat /Marlan Jıembaı/ - Búgin Astananyń sol jaǵalaýyndaǵy «Expo» kórme ortalyǵynda «Kóktemgi tosyn syılyq» atty jármeńke óz jumysyn bastady.
Aldaǵy Halyqaralyq áıelder merekesine oraı ótkizilip otyrǵan is-sharaǵa alys jáne taıaý shet elderdiń, atap aıtqanda, Ispanııa, Italııa, Reseı, Germanııa, AQSh, Túrkııa, Úndistan, Pákistan, Mońǵolııa, Ózbekstan syndy memleketterdiń, sonymen qatar otandyq kompanııalardyń óndirgen zergerlik buıymdarynan bastap, kosmetıkalar, ydys-aıaqtar, kıimder, kádesyılar sııaqty san túrli ónimder qoıylǵan.
Joba dırektory Dana Morozovanyń aıtýynsha, osymen elorda tórinde tórtinshe márte ótip otyrǵan kórmege 60-ge jýyq taýar óndirýshi óz ónimderin ákelgen.
«Elorda turǵyndary bul jármeńkeni jyl saıyn asyǵa kútedi. Sebebi bul jerden qalaǵan zatyńdy satyp alýǵa múmkindik mol. Jalpy bizdiń basty maqsatymyz - elorda turyndaryna merekelik kóńil-kúı syılaý», deıdi joba dırektory.
«Kóktemgi tosyn syılyq» atty jármeńke naýryzdyń 1-ine deıin jalǵasady.
