Elordada kóktaıǵaq: Reseı Elshiliginiń shlagbaýmyna kólik soǵyldy
NUR-SULTAN. QazAqparat - Elordada kóktaıǵaq saldarynan Reseı Elshiligi ǵımaraty aldyndaǵy shlagbaýmǵa kólik soǵyldy, dep habarlaıdy QazAqparat tilshisi.
«Búgin «Lada Largýs» kóligin júrgizip kele jatqan 22 jastaǵy júrgizýshi kóktaıǵaq saldarynan rýlge ıe bola almaı qalyp, mashına ońǵa qaraı syrǵyp ketken. Jol oqıǵasy saldarynan kólik Reseı Elshiliginiń shlagbaýmyn soǵyp, maıystyrǵan. Zardap shekkender joq», - dedi Nur-Sultan qalalyq Polıtsııa departamentinen.
Vedomstvo málimetinshe, kólik júrgizýshisiniń ústinen QR Ákimshilik quqyq buzýshylyq týraly kodekstiń 610-baby 1-tarmaǵymen ákimshilik is qozǵaldy. Materıal Nur-Sultan qalalyq mamandandyrylǵan aýdanaralyq ákimshilik sotyna jiberildi.
Aıta keteıik, osy aıdyń basynan beri elorda aýmaǵynda 14 jol-kólik oqıǵasy tirkelip, 13 adam zardap shekti.
