Elordada kókónis baǵasyn turaqtandyrý tetigi qaıta qaraldy

NUR-SULTAN. QazAqparat – Nur-Sultan qalasynyń Investıtsııalar jáne kásipkerlikti damytý basqarmasynyń basshysy Erjan Baltaev kóktemde kókónis baǵasynyń negizsiz ósýine jol bermeýdiń qadamyn aıtty, dep habarlaıdy QazAqparat tilshisi.

«Baǵanyń aıtarlyqtaı ósimi qańtar-naýryz aılarynda baıqalady. Mundaı jaǵdaı kókónistiń barlyq túrlerine qatysty bolyp tur. Osy oraıda ár ónim boıynsha strategııada sharttyń jekelegen túri men satyp alýdyń ádisin qarastyrdyq. ıAǵnı baǵanyń kúrt ósetin kezeńin eskere otyryp, tıisti merzimde azyq-túlikpen qamtamasyz etý úshin forvard arqyly aldyn ala sharttardy bekitemiz», - dedi E. Baltaev qalalyq máslıhattaǵy turaqty komıssııanyń otyrysynda.

Onyń aıtýynsha, bul másele maýsymaralyq kezeńge qatysty bolyp tur.

«Qazirgi kezde berilgen qaryz esebinen ótkizilip jatqan azyq-túlikke elordanyń barlyq turǵyny qol jetkizip otyr», - dedi basqarma basshysy.

Budan buryn habarlanǵandaı, syrtqy faktorlardyń yqpalyn azaıtý úshin elordada azyq-túlik ónimderi baǵasyn turaqtandyrý tetigi júzege asyrylyp jatyr.

Bul turǵyda kásipkerlik sýbektilerine qaryz berý tetigi eskerilgen. Osy ýaqytqa deıin 13,1 mlrd teńge bólindi.

Sonymen qatar, elordada halyqtyń áleýmettik osal toptaryna azyq-túlik arnaıy karta arqyly ótkiziledi.