Elordada qoǵamdyq jolaýshylar kóliginiń jańa baǵdary ashyldy
NUR-SULTAN. QazAqparat – Búginnen bastap elordada qoǵamdyq jolaýshylar kóliginiń jańa baǵdary ashyldy, dep habarlaıdy QazAqparat tilshisi.
«19 tamyzdan bastap jańa № 45 qalalyq baǵdar iske qosylady. Jańa baǵdar Alash tas jolyndaǵy «Orda bazar» bazarynan bastap «Úrker» turǵyn úı alabyna deıin qatynaıdy. Baǵdar Alash tas joly – Bógenbaı batyr dańǵyly – Respýblıka dańǵyly – Qabanbaı batyr dańǵyly- Saraıshyq kóshesi- Q.Muhamedhanov kóshesi- Sh. Aıtmatov kóshesi- Qorǵaljyn tas joly- ary qaraı «Úrker» turǵyn úı alaby arqyly óted», - delingen «City Transportation Systems» kompanııasy taratqan aqparatta.
