Elordada qoǵamdyq uıymdardyń qatysýymen «QazAgronyń» semınary ótti

ASTANA. QazAqparat - Elordada «QazAgronyń» uıymdastyrýymen Qazaqstannyń agrarlyq sektorynda jumys isteıtin qoǵamdyq uıymdar men qaýymdastyqtardyń qatysýymen semınar bolyp ótti. Onda agro ónerkásiptik (AÓK) keshendegi negizgi baǵdarlamalardyń iske asyrylýy aıtyldy, dep habarlady Ulttyh Holdıng baspasóz qyzmetinen.

Semınarda kóktemgi egis jáne egin jınaýdy qarjylandyrý, iri qara mal etiniń eksporttyq áleýetin damytý týraly jáne AÓK sýbektilerin qarjylaı saýyqtyrý, memlekettik-jekemenshik áriptestik bazasynda mashına traktor stantsııalaryn qurý baǵdarlamalary jóninde talqylandy. Jıynǵa Qazaqstan Respýblıkasy kásipkerleri Ulttyq palatasynyń, «Qazaqstannyń fermerler odaǵy», Qazaqstan qarjygerleri qaýymdastyǵy, Qazaqstan kartop egýshileri men kókónis sharýashylyǵy qaýymdastyǵy, «Damý» kásipkerlikti damytý qorynyń, sondaı-aq «Astana», «Esil», «Tobyl», «Soltústik» áleýmettik-kásipkerlik korporatsııalarynyń ókilderi qatysty. Bas qosýda AÓK sýbektilerin qarjylaı saýyqtyrý máselesine erekshe kóńil bólindi. Aýyl sharýashylyǵy mınıstrliginiń janyndaǵy Qarjylyq saýyqtyrý jónindegi komıssııanyń 20 tamyzda ótken otyrysynyń qorytyndysy boıynsha Agrobıznes-2020 baǵdarlamasynyń qarjylaı saýyqtyrý jónindegi maqsatty ındıkatory oryndaldy - AÓK sýbektileriniń 312,4 mlrd.teńge somasyna ótinimderi maquldandy, josparlanǵany 300 mlrd.teńge. Semınarǵa qatysýshylar qarjylaı saýyqtyrý baǵdarlamasyn odan ári iske asyrý máselesin talqylady.