Elordada qoǵamdyq tamaqtaný oryndary qalaı jumys isteıdi

NUR-SULTAN. QazAqparat – Elordada 25 jeltoqsan men 5 qańtar aralyǵynda qoǵamdyq tamaqtaný oryndary qalaı jumys isteıtin bolady? Bul suraqqa Nur-Sultan qalasynyń Sanıtarlyq-epıdemıologııalyq baqylaý departamentiniń bólim basshysy Gúlnár Qalıeva jaýap berdi, dep habarlaıdy QazAqparat tilshisi.

«Bizde qoǵamdyq tamaqtaný oryndarynyń jumysyna baılanysty birneshe ózgeris bar. Eger qoǵamdyq tamaqtaný orny turǵyn úılerdiń ishinde bolsa nemese oǵan japsarlas salynsa, onda ol - turǵyn úıge jatady. ıAǵnı onyń jumys kestesi tańǵy 7.00-den keshki 22.00-ge deıin jalǵasady. Eger qoǵamdyq tamaqtaný orny jeke ǵımaratta ornalassa (ıaǵnı turǵyn úıge qatysy joq), onda onyń jumys kestesi tańǵy 7.00-den túngi 00.00-ge deıin bolady», - dep túsindirdi Gúlnár Kalıeva tamaqtaný jáne saýda ortalyqtarynyń ıelerimen kezdesýde.

Eske sala ketsek buǵan deıin elordanyń bas sanıtarlyq dárigeri Janna Pirálıeva mereke kúnderi saýda, oıyn-saýyq ortalyqtary qandaı tártipte jumys isteıtinin aıtqan bolatyn.

Sonymen qatar ol qoǵamdyq kólik jumysyndaǵy ózgeristerdi túsindirdi.

26 jeltoqsannan bastap kınoteatrlar kúsheıtilgen sanıtarlyq-epıdemıologııalyq normalardy saqtaı otyryp jumysyn qaıta bastaıdy.