Elordada qoǵamdyq tamaqtaný nysandarynan aqsha alyp kelgen epıdbaqylaý qyzmetkeri sottaldy
«30 naýryzda Nur-Sultan qalasy Almaty aýdanynyń №2 aýdandyq sotymen Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń Nur-Sultan qalasy «Ulttyq saraptama ortalyǵy» ShJQ RMK fılıalynyń qyzmetkerine qatysty 8 jylǵa bas bostandyǵynan aıyrý jazasy taǵaıyndalǵany jaıynda úkim jarııalandy.
Ol Nur-Sultan qalasynyń kásipkerlik sýbektilerinen qoǵamdyq tamaqtaný salasynda aqsha qarajatyn alý faktisi boıynsha, pandemııa kezeńinde ákimshilik jaýapkershilikten jaltarǵany úshin kináli dep tanyldy» delingen QR Sybaılas jemqorlyqqa qarsy is-qımyl agenttiginiń baspasóz habarlamasynda.
Úkimdi jarııalaý sottalýshy ujymynyń, sondaı-aq Densaýlyq saqtaý mınıstrligi Sanıtarlyq-epıdemıologııalyq baqylaý komıteti qyzmetkerleriniń qatysýymen beınekonferentsbaılanys arqyly ótti.
2021 jyldan bastap aldyn alý sharasy retinde qyzmetkerleri sybaılas jemqorlyq quqyq buzýshylyqtaryn jasady dep aıyptalǵan memlekettik qyzmetkerler ujymdarynyń sot otyrystaryna qatysý praktıkasy engizildi.
Úkim zańdy kúshine engen joq.