Elordada qoǵamdyq oryndarǵa barmastan qandaı qyzmetterdi onlaın alýǵa bolady

NUR-SULTAN. QazAqparat – Elorda ákiminiń orynbasary Málıka Bekturova qoǵamdyq oryndarǵa barmaı-aq qyzmetterdi onlaın alýǵa bolatynyn málim etti, dep habarlaıdy QazAqparat.

«Qurmetti turǵyndar, elimizde koronavırýstyń taralmaýy jónindegi arnaıy sharalardyń qabyldanýyna baılanysty qoǵamdyq oryndarǵa barýdan aýlaq bolý usynylady. Sondyqtan sizge keıbir qyzmetterdi onlaın alýǵa bolatyndyǵyn eskertemiz», dep jazdy M. Bekturova Telegram -daǵy paraqshasynda.
iqala.kz portalynda úıden shyqpaı-aq jaryq, sý, elektr, telefon jáne qyzmetterdiń 100-den astam túrin qosý boıynsha kelisimshartqa qol qoıýǵa bolady.
«Sonymen qatar siz lıft pen kólik kartasyn tolyqtyra alasyz, kommýnaldyq qyzmetterge aqy tóleı alasyz, kólik salyǵyn esepteı alasyz, sý eseptegishterdiń kórsetkishterin tekserip, qaıyrymdylyqqa salym jasaı alasyz, sonymen qatar Smart Astana qosymshasynda karantınge qatysty barlyq aqparatty ala alasyz.
e.astana.kz portalynda onlaın rejimde balany kezekke qoıýǵa nemese onyń qozǵalysyn qadaǵaýǵa, PMPK emtıhanyna tirkelýge nemese balabaqshadan oryn alýǵa bolady», dep jazdy qala ákiminiń orynbasary.
Onyń aıtýynsha, turǵyndar tsıfrlyq qyzmetterdi paıdalanyp, ózine jáne jaqyndaryna qamqorlyq jasaýy kerek, qoǵamdyq oryndarǵa barýdy barynsha azaıtýy tıis.