Elordada qoǵamdyq oryndar dezınfektsııalanyp jatyr

«Nur-Sultan qalasy dezınfektsııalaý boıynsha 7 sektorǵa bólingen. Ár sektorda dezınfektsııa jasalatyn nysandar bar jáne quramyna 20 adam engen top jumys isteıdi. Kún saıyn tańerteń jeke quram, tehnıka, dezınfektsııa jasaıtyn eritindi daıyndalyp, tapsyrma oryndaýǵa shyǵamyz. Men tórtinshi sektorǵa jaýap beremin. Bul sektorda saýda-sattyq dúkenderi, qalalyq aýrýhanalar, ákimdik sııaqty qashyqtan jumys isteý múmkin emes nysandar bar. Nysannyń ishin dezınfektsııalamaımyz, sebebi bizdiń qoldaǵy eritindi nysan syrtyn zalalsyzdandyrýǵa arnalǵan», - deıdi QR Qorǵanys mınıstrliginiń №68665 áskerı bólimi Radıatsııalyq, hımııalyq jáne bıologııalyq qorǵaý qyzmetiniń basshysy Dmıtrıı Efımov.

Onyń aıtýynsha, adamdar kóp júretin jerler dezınfektsııalanýda.

«Mysaly, Ulttyq ǵylymı medıtsınalyq ortalyqtyń negizgi kire berisin, adamdar otyratyn jáne kólikter turaǵyn dezınfektsııalap jatyrmyz. Búgin osylaı jumys istep jatqanymyzǵa ekinshi kún. Jumys barysy neshe kúnge deıin sozylatynyn bilmeımiz. Biraq qansha qajet bolsa – sonsha jumys isteýge daıynbyz. Tolyq bir kún jumys isteý úshin 6 tonna dezınfektsııa jasaıtyn suıyqtyq ketedi», - deıdi ol.