Elordada qoǵamdyq kólikti soqqan júrgizýshiniń isi sotta qaraldy
ASTANA. QazAqparat - Astana qalasynyń Saryarqa aýdandyq sotynda «№1 avtobýs parki» AQ-nyń óndirý týraly aryzy boıynsha azamattyq is qaraldy, dep habarlady Astana qalalyq sotynyń baspasóz qyzmetinen.
Talapker aryzy boıynsha, «Vaz-2106» avtokólik júrgizýshisi Ardagerler kóshesinde qarsy jolǵa shyǵyp, «№1 avtobýs parki» AQ-na tıesili «Daewoo» markaly avtobýsymen soqtyǵysqany aıtylyp, 277 980 teńge shyǵyndy óndirip berýdi suraǵan. Sot is materıaldaryn zerttep, talap aryzdy tolyq qanaǵattandyrdy. Osyǵan baılanysty jaýapkerden «№1 avtobýs parki» AQ-nyń paıdasyna memlekettik bajdy qosa otyryp 286 480 teńge óndirildi.
