Elordada qoǵamdyq kólikterge dezınfektsııa jasaldy
NUR-SULTAN. QazAqparat - Nur Sultanda avtoparkter men avtobýstarǵa aýqymdy dezınfektsııa jumystary júrgizildi, dep habarlaıdy QazAqparat qala ákimdigine silteme jasap.
«20-21 maýsymda Nur-Sultanda aýqymdy dezınfektsııa jumystary ótýde. Jumys aıasynda adam kóp jınalatyn oryndardyń barlyǵy qamtylǵan. Qalalyq qyzmetter avtobýstarda, avtobýs parki ǵımarattarynda da dezınfektsııa júrgizdi», - delingen ákimdik habarlamasynda.
Eske sala keteıik, 20-21 maýsymda barlyq qoǵamdyq kólik toqtatyldy. 22 maýsymnan bastap qalalyq jáne qala mańyndaǵy marshrýttardyń qozǵalysy qaıta jandanady. Ekspress marshrýttardyń jumysy týraly aqparat qosymsha usynylady.
«Baǵdarlardy kúndelikti dezınfektsııalaý jalǵasatynyn, júrgizýshiler sońǵy aıaldama oryndarynda dymqyl tazalaý júrgizetinin habarlaımyz. Maska taǵý rejımin saqtaýdy umytpańyz – avtobýsqa maskasyz kirýge tyıym salynady. Avtobýsqa otyrý tek aldyńǵy esik arqyly júrgiziledi. Tólem qolma-qol aqshasyz – kólik kartasy, SMS, QR kody arqyly jasalady», - deıdi elorda ákimdigi.
