Elordada qoǵamdyq kólikter demalys kúnderi de júredi

NUR-SULTAN. QazAqparat - Elordanyń qoǵamdyq kólikteri shtattyq rejımdegi jumys kestesine oralady, dep habarlaıdy QazAqparat qala ákimdiginiń resmı saıtyna silteme jasap.

Qalanyń bas memlekettik sanıtarlyq dárigeriniń 2 aqpanda kúshine engen jańa qaýlysyna sáıkes elordada avtobýstar jeksenbi kúni de júredi.

«Qalalyq qoǵamdyq kóliktiń jumysy (shuǵyl ýaqytta avtobýstar sanyn kóbeıtý, sońǵy aıaldamada salondy dezınfektsııalaý quraldarymen óńdeý, barlyq esikterdi ashý, jolaýshylar úshin antıseptıgi bar sanıtaızerler ornatý, áleýmettik qashyqtyqty mindetti túrde saqtaý jáne jolaýshylar men júrgizýshilerdiń betperde kııýi) shtattyq rejımde jumys kestesi belgilene otyryp qamtamasyz etilýi tıis», - delingen qaýlyda.