Elordada qoǵamdyq kólikte jolaqy tóleýdiń taǵy bir júıesi engizildi
ASTANA. QazAqparat - «Astana LRT» kompanııasy qoǵamdyq kólikte jolaqy tóleýdiń taǵy bir ádisin engizdi, dep habarlaıdy QazAqparat tilshisi.
Kompanııanyń resmı saıtyndaǵy aqparatqa sáıkes, astanalyqtar SENIM mobıldik qosymshasy arqyly QR-kodty skanerleý arqyly jolaqyny tóleı alady. Mobıldik qosymshada skanerleýge arnalǵan tıisti túımeshe bar. Sonymen birge, qosymshanyń kómegimen jolaqyny kez kelgen bank kartochkasynan tóleýge bolady.
«Astana LRT» kompanııasy búginde SMS/QR-kod boıynsha jolaqy tóleýdiń birneshe túri baryn eske salady.
Mobıldik qosymshalar:
1) Homebank (HalykBank jáne Qazkom kartalary arqyly ǵana).
2) SMSBUS (telefondaǵy balans nemese bank kartasy arqyly tóleýge bolady; kez kelgen bank kartasyn baılanystyrýǵa múmkindik bar).
3) My Beeline (Beeline abonentteri úshin qolaıly. Jolaqysy telefon balansy arqyly tólenedi).
4) OYBY (bank kartasymen tóleý; kez kelgen bank kartasyn baılanystyrýǵa múmkindik bar. Al OYBY (Oıbaı!) úshin avtobýs salonynda jeke QR-kod japsyrmalary jazýly).
Sonymen qatar, telefondaǵy balanspen SMS arqyly tóleýge bolady (2505 nómirine habarlama jiberý arqyly, Activ/Kcell, Beeline abonentteri úshin qoljetimdi).
