Elordada qoǵamdyq kólikte qyzmet kórsetý mádenıeti qatań qadaǵalanatyn bolady
ASTANA. QazAqparat - Elorda ákimdiginde qala ákimi Áset Isekeshevtiń qatysýymen halyqaralyq mamandandyrylǵan EKSPO-2017 kórmesin ótkizý kezinde kóliktik qamtamasyz etý jáne Astanada jol qozǵalysyn uıymdastyrý máseleleri talqylanǵan jınalys ótti, dep habarlaıdy qalalyq ákimdiktiń baspasóz qyzmeti.
Jınalys aıasynda EKSPO kórmesiniń resmı ashylǵannan beri bir apta ishinde júrgizilgen qoǵamdyq kóliktiń jumysy, Shuttle Bus baǵdarynyń engizilýi, qazirgi qalalyq marshrýttardyń jumysyn kúsheıtý, aımaqtardan kelgen delegattar men oqýshylardy qarsy alýda kólikpen qamtamasyz etý qorytyndylandy.
Máselen, 7 Shuttle Bus baǵdarynda 42 Iveco avtobýsy qatynaıdy, eger jolaýshylar legi kóp bolsa, olardyń sany kóbeıtiledi.
24 maýsymnan bastap 11 marshrýtqa (№№ 10, 12, 15, 18, 35, 37, 40, 51, 53, 70 jáne 102) 52 jańa avtobýs qosylady.
Sonymen qatar, «Alaı» jáne «KenMart» kóliktik habtarynyń jáne 14 kólik qoıatyn orynnyń jumysy qorytyndylandy jáne 12 ýchastkede Bus Lane belgilengen jolaqtaryn engizýdiń tıimdiligi qaraldy.
Bus Lane arnaıy jolaqtaryn engizgen soń avtobýstardyń orta jyldamdyǵy 20-30% jaqsarǵan, al jolda júrý ýaqyty 15-20 mınýtqa azaıǵanyn aıtady, kóliktik vedomstva mamandary.
Áset Isekeshev joldardy, jolaıryqtardy, jaıaý júrginshiler joldaryn, oń jaqqa burylý joldaryn salý qurylysyna qatysty birqatar mańyzdy suraqtardy talqylady.
Baǵdarshamdardy ıntellektýaldyq basqarý boıynsha ınnovatsııalyq sheshimder de sóz boldy. Sonymen qatar, álemdik tájirıbeni engizý, atap aıtar bolsaq, baǵdarshamnyń qyzyl túsi janyp turǵanda ońǵa burylys jasaýǵa ruqsat berý suraqtary qaraldy.
Jınalys qorytyndysy boıynsha baǵynyshty strýktýralar men mekemelerge jol qozǵalysyn uıymdastyrýda jáne qoǵamdyq kólik jumysyn jaqsartýǵa, elorda joldarynda yńǵaılylyqty qamtamasyz etý, tártip buzýshylyqtardy boldyrmaýǵa baǵyttalǵan birqatar tapsyrmalar júkteldi.
- Ókinishke qaraı, júrgizýshiler men kondýktorlardyń tártibine qatysty jıi shaǵymdar kelip túsedi. Endi qyzmet kórsetý sapasy men mádenıetin qatań baqylaıtyn bolamyz. Jaýapty vedomstvolarǵa kondýktorlar men júrgizýshiler tarapynan dórekelik tanytý faktilerin boldyrmaý úshin jolaýshylarǵa joǵary mádenıetpen qyzmet kórsetýdi baqylaýdy tapsyramyn. ıAǵnı, biz jańa prıntsıpke kóshtik, ákimdik avtoparkterdi jolaýshylarǵa qyzmet kórsetý úshin jaldaıdy jáne olardan keste men qyzmet kórsetý mádenıetiniń múltiksiz saqtalýyn talap etedi. Qandaı da bir tártip buzýshylyq bolsa, kinálilerdi jaýapqa tartamyz, sanktsııa qoldanamyz, kelisimshartty buzamyz, - dep ákim talap etti.
