Elordada qoǵamdyq kólikke maskasyz mingen jolaýshylarǵa aıyppul salý usynyldy
NUR-SULTAN. QazAqparat – Nur-Sultan qalasynda qoǵamdyq kólikke maska taqqaı minetin jolaýshylardy jaýapkershilikke tartý kerektigi aıtyldy. Bul týraly CTS (City Transportation Systems) JShS-niń basqarma tóraǵasy Bekmyrza Igenberdınov málim etti, dep habarlaıdy QazAqparat tilshisi.
«Elordanyń avtobýs parkteri sanıtarlyq talaptardy josparǵa saı júrgizip otyr. Avtobýsta maska taqpaıtyn jolaýshylardyń máselesin zań aıasynda sheshý kerek dep oılaımyn. Shetel tájirıbesine súıenip, maska taqpaǵan jolaýshylarǵa aıyppul salý qajet», - dedi Bekmyrza Igenberdınov tilshilerdiń suraǵyna jaýap bere turyp.
Onyń aıtýynsha, avtobýs júrgizýshisi men baqylaýshy maska taǵý týraly jolaýshylarǵa únemi eskertip otyrady.
«Talap zańmen bekitilgen kezde, maskasyz jolaýshylardyń sany azaıyp, másele oń sheshimin tabady degen oıdamyz», - deıdi ol.
Buǵan deıin CTS (City Transportation Systems) basshysy elordanyń qoǵamdyq kólikterinde Ashyq júıesi engizile me degen saýalǵa qatysty pikir bildirdi.
Sondaı-aq, Nur-Sultan qalasynda qoǵamdyq kólik aqysyn tóleýdiń jańa júıesi engiziletini habarlandy.
Odan bólek, elordada qoǵamdyq kólik aqysyn tólemeı júretin jolaýshylardyń úlesi týraly aıtyldy.
