Elordada qoǵamdyq kólik máselesi sheshilmese, bul úlken daǵdarys týdyrýy múmkin - keńes
«Іri qalada halyqtyń turmys sapasyna qoǵamdyq kólik pen jol keptelisi tikeleı áser etedi. Sondyqtan, kólik ınfraqurylymyn damytýdyń aıryqsha máni bar. Jýyrda Almatyǵa saparym barysynda qoǵamdyq kólikti jáne elektrondy bılet satý júıesin basqarý ortalyǵynyń jumysymen tanystym. Bul saladaǵy tsıfrlandyrý isi óziniń tıimdiligi joǵary ekenin kórsetip otyr. Sondyqtan elorda ákimine Almatynyń oń tájirıbesin eskere otyryp, qoǵamdyq kólikti dıspetcherlik basqarý júıesin qoldanysqa engizýdi jáne damytýdy tapsyramyn.
Sondaı-aq, men qańtarda LRT-ǵa qatysty jumysty tezdetip aıaqtaýdy tapsyrdym. Naqty merzimder aıqyndaldy. Turǵyndarǵa ýáde berildi. Endi osy jobany der kezinde aıaqtaý kerek. Bul jumysqa biraz qarajat bólindi. Biraq, naqty nátıje joq. Kólik máselesin sheshýdi soza bersek, qala keptelisten kóz ashpaıdy. Bul úlken daǵdarys týdyrýy múmkin. Sondyqtan, máseleni ońtaıly sheshý qajet. Áıtpese, ekonomıkalyq shyǵynǵa tap bolamyz. Adamdar ýaqyt joǵaltady, qalaǵa ekologııalyq zııan keledi. Kólik salasyndaǵy jaǵdaıdyń ýshyǵýyna kóshi-qon máselesi de yqpal etip otyr»,-dedi Memleket basshysy.
Sondaı-aq Prezıdent jyl saıyn Astanaǵa 50-60 myń adam keletinin aıtyp ótti.
«Budan bólek, kún saıyn jaqyn mańdaǵy eldi mekenderden 150 myń adam kelip ketedi. Munyń bári ınjenerlik jáne áleýmettik ınfraqurylymǵa aıtarlyqtaı salmaq túsiredi. Sol sebepti, kóshi-qon úderisin tıimdi retteý qajet, ıaǵnı, pármendi sharalar qabyldaý kerek. Negizinen, kóp adam qalaǵa jaqyn jerlerden jumys isteýge keledi. Sondyqtan bul salany naqty rettep, baqylaý kúsheıtilýge tıis»,-dedi Qasym-Jomart Toqaev.
Osyǵan deien Memlket basshysynyń Astananyń damyǵany durys ekenin, alaıda bul áleýmettik ınfraqurylymǵa zor salmaq túsiretinin aıtqanyn jazdyq.
