Elordada qoǵamdyq kólik qyzmeti qaıta toqtaýy múmkin - CTS
NUR-SULTAN. QazAqparat – Elorda turǵyndary sanıtarlyq normalardy saqtamasa, qoǵamdyq kólik qyzmeti qaıta toqtaýy múmkin, dep habarlaıdy QazAqparat City Transportation Systems kompanııasyna silteme jasap.
«Qoǵamdyq kólik 12 mamyrdan bastap qatynaı bastady. Ázirge jelide - qalalyq baǵyttar ǵana. Avtobýs júrgizýshileri qaýipsizdik sharalaryn saqtaıdy, ıaǵnı maska taǵady, qolǵap kıedi jáne antıseptık qoldanady. COVID-19 juqtyrý qaýpi áli seıilmegendikten, jolaýshylardy qoǵamdyq kólikte betperde taǵyp júrýge shaqyrǵan edik. Ókinishke qaraı, barlyǵy erejeni bir adamdaı saqtaı bermeıdi», - dedi CTS kompanııasynyń baspasóz hatshysy Oksana Loskýtova.
Onyń aıtýynsha, 27 naýryzdan 16 sáýirge deıin №1 avtoparktiń bir qyzmetkeri aýyrǵan adammen baılanysta bolǵandyqtan, karantınge jabylǵan.
«Eger de jaǵdaı taǵy qaıtalansa, qoǵamdyq kólik túgelimen toqtaýy múmkin. Sol sebepti elorda turǵyndaryn óziniń jáne aınalasyndaǵy adamdardyń densaýlyǵyna beı-jaı qaramaı, sanıtarlyq normalardy saqtaýǵa shaqyramyz», - dedi Oksana Loskýtova.
