Elordada qoǵamdyq kólik baǵdarynyń sany 50-den 76-ǵa deıin artady
ASTANA. QazAqparat - Elordada qoǵamdyq kólik baǵdarynyń sany 50-den 76-ǵa deıin artady. Bul týraly búgin Astana qalalyq jolaýshylar kóligi jáne avtomobıl joldary basqarmasy bastyǵynyń orynbasary Ábdihamıt Tamabaev málim etti.
Qazirgi ýaqytta qoǵamdyq kólikterdiń qoldanystaǵy baǵdary, kestesi sonaý Aqmola qalasy kezinen qalyptasqan. Burynǵy baǵdarlar qalanyń ósýine, qurylys nysandarynyń salynýyna baılanysty birte-birte uzartylyp, birese ońǵa, endi birde solǵa burylatyn boldy. ıAǵnı, keleńsiz qalyptasyp otyr. Árıne, bul jolaýshylardyń baratyn jerine jyldam jetýine keri áserin tıgizedi», - dedi ol.
Onyń atap ótýinshe, atalǵan keleńsizdikterdi joıý úshin sheteldik Tıkso kompanııasymen birlesip, qalanyń qoǵamdyq kólikteri baǵdaryna ǵylymı saraptama júrgizilgen.
«Saraptamalardyń nátıjesinde biz Astana qalasy turǵyndarynyń qajettiligin eskere otyryp, avtobýs baǵdarlaryn ózgeretý týraly sheshim qabyldadyq. Jalpy, qazir 50 baǵdar bar. Al ózgertýler oryn alǵannan keıin olardyń sany 76-ǵa jetedi. Ol úshin jańadan ekspress baǵdarlar engiziledi. Buǵan qosa, uzaqtyǵy shamadan tys 12, 41, 42, 50 sııaqty 7 baǵdar ekige bólinedi. Bul árıne, halyqtyń baratyn jerine tez jetýine múmkindik beredi. Eń birinshi kezekte burynǵy 26 baǵdardyń bólinýine baılanysty olardyń sany 33-ke artyp, erteńnen bastap iske qosylady. Onyń ishinde 104 jáne 130-shy baǵdardaǵy syıymdylyǵy shaǵyn kólikter avtobýsqa aýystyrylady. Munan bólek, 17 baǵdarǵa ishinara ózgerister engiziledi», - dedi Á.Tamabaev.
