Elordada kisi óltirý, tonaý, buzaqylyq derekteri tómendedi
Qalasynyń polıtsııa departamentiniń habarlaýynsha, kóshedegi jáne qaıtalanatyn qylmys ta báseńdegen. Barlyq kisi óltirý, qaraqshylyq, adam ólimimen aıaqtalǵan aýyr dene jaraqattary, avtokólik urlyǵy ashyldy. Esirtkini jarnamalaý, ótkizý jáne elorda arqyly tasymaldaý faktilerin anyqtaýǵa basa nazar aýdarylǵan.
«Sıntetıkalyq esirtki túrlerimen baılanysty 38 qylmys anyqtaldy, 26 kılogramnan astam sıntetıka tárkilendi, 3 esirtki zerthanasy qyzmetiniń joly kesildi jáne 49 esirtki saıttary buǵattaldy. Barlyǵy 176 esirtki qylmysy anyqtaldy», - dep atap ótti vedomstvo basshysy Marat Tólebaev.
Ol polıtsııa qyzmetiniń ashyqtyǵy men aıqyndyǵyn qamtamasyz etý, servıstik modelge kóshý jaıyn áńgimeledi. Almaty jáne Saryarqa aýdandarynda «Polıtsııanyń qazaqstandyq servıstik modeli» pılottyq jobalary iske asýda. Pılottyq jobalar iske qosylǵannan beri ýchaskelik ınspektorlardy taný deńgeıi 3 esege jýyq ósken.
«Jurtqa jaqyn polıtseı» qaǵıdaty jumysqa engizilýde, bul qoǵamdyq oryndarda qyzmetkerlerdiń turaqty túrde bolýyn qamtamasyz etedi. Ótken jyly qala boıynsha modýldik tıptegi 10 statsıonarlyq polıtsııa beketi ornatylǵan. Adamdar kóp jınalatyn jerlerde dabyl sıgnalyn berý jáne polıtsııany shuǵyl shaqyrý úshin 13 «SOS» batyrmasy ornatylǵan.
«Halyqaralyq tájirıbeni eskere otyryp, elordada jol qaýipsizdigi jónindegi keshendi jospar iske asýda. Qala joldarynda qosymsha baǵdarshamdar, jobalanǵan jaıaý júrginshiler ótkeli salyndy, jaryqtandyryldy, qozǵalys baǵytyn úılestiretin jol belgileri ornatyldy. Nátıjesinde joldardaǵy ólim deńgeıi tómendedi», - Tólebaev.