Elordada kıkboksıngiden erler arasynda Qazaqstan Respýblıkasynyń kýbogy ótedi
ASTANA. Naýryzdyń 19-y. QazAqparat /QazAqparat /Serik Sábekov/ - Elordada naýryzdyń 25-i men 28-i aralyǵynda kıkboksıngiden erler arasyndaǵy Qazaqstan Respýblıkasynyń kýbogy ótedi, bul shara osy sporttyń elimizdegi jıyrma jyldyq merekesine oraılastyrylyp otyr,
dep habarlady Astana qalasynyń týrızm jáne dene tárbıesi basqarmasynyń baspasóz qyzmeti. «QR Kýbogyna 14 oblystan jáne Almaty men Astana qalalarynan sportshylar qatysady. Onyń ashylý saltanatyna jáne jarys kúnderine Qazaqstan Respýblıkasy Parlamentiniń Májilis depýtaty, «WAKO-Kazakhstan» QR kıkboksıng federatsııasynyń prezıdenti Irak Elekeev, kıkboksıngi boıynsha QR ulttyq quramasynyń bas jattyqtyrýshysy Qaırat Smaǵulov qatysady», - delingen taratylǵan habarlamada.
Kıkboksıng boıynsha QR Kýbogynyń jeńimpazdary QR ulttyq quramasynyń quramyna alynady jáne halyqaralyq sport arenalarynda qazaqstandyq sporttyń namysyn qorǵaıtyn bolady.
Jarystar «Dáýlet» sport kombınatynda (Ulttyq tenıs ortalyǵy) ótedi.
