Elordada QHA músheleri marapattaldy

ASTANA. QazAqparat - Búgin elorda ákimdiginde Qazaqstan halqy Assambleıasynyń qalalyq fılıalynyń múshelerin «Qazaqstan Respýblıkasynyń Táýelsizdigine 25 jyl» mereıtoılyq medalimen jáne QHA-nyń «Birlik» altyn medalimen marapattaý rásimi ótti. Nagradalardy Astana qalasy ákiminiń orynbasary Ermek Amanshaev tabys etti, dep habarlaıdy qalalyq ákimdiktiń baspasóz qyzmeti.

«Bizdiń respýblıka táýelsizdiktiń 25 jyldyǵyn tolaǵaı tabystarmen qarsy alyp otyr. Assambleıanyń quramynda sizder osy merekege eleýli úles qostyńyzdar. Qyzmetterińizge myń alǵys. Árbirińiz  biregeı tulǵasyz», - dep atap kórsetti Ermek Amanshaev etnomádenı birlestikterdiń jetekshilerine arnaǵan sózinde.

 

Bul kúni qoǵamdaǵy beıbitshilik pen kelisimniń nyǵaıýyna eleýli úles qosyp, táýelsiz Qazaqstannyń qalyptasýy men damýy jolyndaǵy eńbegi úshin 15 adam, sonyń ishinde úsh jetekshi QHA-nyń «Birlik» medalimen marapattaldy.

 

Táýelsizdik kúnin merekeleý qarsańynda Aqordada marapattalǵandardyń ishinde elordalyq «Tań» tatar-bashqurt UMO tóraǵasy Rafık Valıev bolǵanyn atap kórsetý kerek. El Prezıdenti oǵan ІІ dárejeli «Dostyq» ordenin tabys etti. «Vaınah» sheshen-ıngýsh UMO jetekshisi Salman Geroev «Qurmet» ordenimen marapattalsa, Astana q. «Obereg» ýkraındar qoǵamy» QB tóraıymy Tamara Shırmerge medali tabys etildi.