Elordada kezekti jańa páter ıeleri belgili boldy
ASTANA. QazAqparat - Astana qalasy Turǵyn úı basqarmasynyń habarlaýynsha, turǵyn úı kommýnaldyq qorynan páter alatyn azamattardyń tizimi bekitildi, dep habarlaıdy Astana qalasynyń resmı saıty.
Astana qalasy ákimdiginiń 2015 jylǵy 10 shildedegi qaýlysymen Qazaqstan Respýblıkasynyń turǵyn úı zańnamasyna sáıkes kommýnaldyq turǵyn úı qorynan turǵyn úı alýǵa kezekke sáıkes «jetim balalar, ata-anasynyń qamqorlyǵynsyz qalǵan balalar, halyqtyń áleýmettik álsiz toptary, memlekettik qyzmetshiler, bıýdjettik uıymnyń qyzmetkerleri, áskerı qyzmetshiler, jalǵyz turǵyn úıi Qazaqstan Respýblıkasynyń zańnamasynda belgilengen tártippen avarııalyq jaǵdaıda dep tanylǵan azamattar» sanattary boıynsha turǵyn úıge muqtajdylar esebinde turǵan azamattar tizimi bekitildi.
Aıta keteıik, 2015 jyldyń qańtar-mamyrynda jalpy aýdany 766 427 sharshy metrdi quraıtyn 7 108 páter paıdalanýǵa berilgen.
