Elordada kezekti #Birge #TazaQazaqstan ekologııalyq aktsııasy ótedi
NUR-SULTAN. QazAqparat - 3 tamyzda Nur-Sultanda kezekti qalalyq #Birge #TazaQazaqstan ekologııalyq aktsııasy ótedi. Ekologııalyq aktsııa aıasynda Maıbalyq kóliniń jaǵalaýy tazalanady, dep habarlaıdy QazAqparat.
Osyǵan oraı, qala ákimdigi elorda turǵyndaryn, eriktilerdi, qoǵam qaıratkerlerin, ekologııalyq belsendilerdi jáne barlyq múddeli adamdardy ekologııalyq aktsııaǵa qatysýǵa shaqyrady. Qatysýshylardy jınaý jáne kólikke otyrǵyzý 8.00-de, B.Momyshuly dańǵyly 1, «Astana Music Hall» meıramhanasynyń turaǵynda ótedi.
Aktsııa saǵat 10.00-de bastalady.
Esterińizge sala keteıik, 20 shilde kúni Qazaqstan Respýblıkasy Ekologııa, geologııa jáne tabıǵı resýrstar mınıstrliginiń qoldaýymen Nur-Sultan qalasynda qoqys jınaýǵa arnalǵan ekologııalyq aktsııa ótti.
Elordanyń sý qoımalarynyń aınalasyn tazartý jónindegi ekologııalyq naýqan memlekettik organdardyń da, qoǵamdyq uıymdardyń da, eriktilerdiń de, elorda turǵyndarynyń da, búkil Qazaqstannyń qoldaýyna ıe boldy.
Aktsııa aıasynda áýejaıdan Qaraǵandy tasjolyna deıingi aınalma jol boıyndaǵy Esil jáne Qarasý ózenderiniń jaǵalaýy, Maıbalyq kóli men Vıacheslavsk sý qoımasy tazalandy.
Nur-Sultan qalasynyń 4 lokatsııasynda ótken #Birge #TazaQazaqstan ekologııalyq aktsııasy 5000-nan astam adamdy qamtydy. Onyń aıasynda 16 tonnadan astam qoqys jınaldy.
Nur-Sultan qalasynyń ákimdigi ekologııa, geologııa jáne tabıǵı resýrstar mınıstrligimen elordanyń aınalasyndaǵy sý nysandaryn tazartýdyń asyl mıssııasyn jalǵastyrý úshin ekologııalyq estafeta aldy jáne 2019 jyldyń 3 tamyzynda ekologııalyq tazartý formatynda aktsııa ótkizedi.
