Elordada kezekten tys Prezıdent saılaýyndaǵy aqparattyq daýlardy qaraý jónindegi qoǵamdyq keńestiń otyrysy ótti

Otyrys barysynda qoǵamdyq keńes ókilderi buqaralyq aqparat quraldarynda jarııalanǵan materıaldarǵa qatysty máselelerdi talqylady. Qoǵamdyq keńestiń tóraıymy, ortalyq saılaý komıssııasynyń múshesi Lázzat Súleımenniń aıtýynsha, monıtorıng jumystary 53 baspasóz basylymy men 11 respýblıkalyq televızııalyq arnalardy, 6 aqparat agenttigi men 11 qoǵamǵa tanymal ınternet-resýrstardy qamtıdy. «Naýryzdyń 3-i men 16-sy aralyǵynda basylymdarda Prezıdenttikke kandıdat Jambyl Ahmetbekov týraly 110 materıal, Mels Eleýsizov týraly 101 materıal, Ǵanı Qasymov týraly 96 materıal, Nursultan Nazarbaev týraly 129 materıal jarııalandy. Sondaı -aq osy merzimde respýblıkalyq televızııalyq arnalarda Jambyl Ahmetbekov týraly 148, Mels Eleýsizov týraly 163, Ǵanı Qasymov týraly 161, Nursultan Nazarbaev týraly 108 materıal jarııalandy. Respýblıkalyq televızııada jaryq kórgen materıaldardyń 51 paıyzy «Habar» men «Qazaqstan» arnalarynda jarııalandy»,-dedi qoǵamdyq keńes tóraıymy.

Onyń málimetterinshe, Prezıdentikke kandıdat Jambyl Ahmetbekovke qatysty sıýjetter respýblıkalyq arnalardyń jańalyqtar blogynan Prezıdenttikke kandıdattardyń qyzmetin nasıhattaýǵa bólingen ýaqyttyń 24 paıyzyn, Mels Eleýsizovke qatysty sıýjetter 27 paıyzyn, Ǵanı Qasymovqa qatysty sıýjetter 28 paıyzyn al Nursultan Nazarbaevqa qatysty sıýjetter 21 paıyzdy qurady. «Monıtorıng jumystary barysynda Prezıdentikke kandıdattardyń kásibı qyzmetine de qatysty materıaldarǵa da esep júrgiziledi. Memleket basshysy saılaý naýqanyna qaramastan óziniń negizgi mindetin atqarýy kerek. Sol sebepti onyń qyzmetiniń aqparat quraldarynda kóbirek kórinis tabýy túsinikti de»,-dedi L.Súleımen.