Elordada kezekti ret «Soǵym-FEST» et jármeńkesi ótedi

ASTANA. KAZINFORM – Astanada 13-14 jeltoqsan kúnderi kezekti «Soǵym-FEST» et jármeńkesi ótedi. Іs-sharaǵa Aqmola, Abaı, Qaraǵandy, Túrkistan jáne Pavlodar oblystarynyń fermerleri qatysady, dep habarlaıdy elorda ákimdiginiń resmı saıty.

Jármeńke «Keryen Joly» saýda ortalyǵynyń avtoturaq aýmaǵynda (Alash tas joly, 35B) uıymdastyrylady. Sondaı-aq osy kúnderi saýda ortalyǵynda qala turǵyndary asyǵa kútken dástúrli aýyl sharýashylyǵy jármeńkesi de ótedi. Munda jergilikti fermerler men Qazaqstannyń túrli óńirlerinen kelgen óndirýshilerdiń ónimderi usynylady.

Qala turǵyndary men qonaqtary kókónis pen jemis-jıdek, et, un jáne sút ónimderi, bálishter, tabıǵı shyryndar, tosaptar, djemder jáne basqa da taýarlardy qoljetimdi baǵada satyp ala alady. 

Jármeńkeler ár demalys kúni tańǵy 10:00-den keshki 19:00-ge deıin ótkiziledi.

Kelýshilerdiń yńǵaılylyǵy úshin jármeńke aýmaǵyna jaqyn mańnan № 7, 11, 39, 41, 45, 53, 59, 81, 307 jáne 317 avtobýstar qatynaıdy.

Buǵan deıin habarlaǵanymyzdaı, elordada 6-7 jeltoqsan kúnderi Aqmola, Abaı, Qaraǵandy, Túrkistan jáne Pavlodar oblystarynyń aýyl sharýashylyǵy ónimderin óndirýshilerdiń qatysýymen kezekti «Soǵym-FEST» et jármeńkesi ótti.