Elordada keıbir kóshelerde kólik qozǵalysy jartylaı shekteledi
ASTANA. QazAqparat - Elordada jol jóndeý jáne asfaltbeton jabynyn profılaktıkalyq qorǵaý boıynsha jumystar jalǵasyn tabady. Osyǵan baılanysty keıbir kóshelerde kólik qozǵalysy jartylaı shekteledi, dep habarlady qalalyq ákimdiktiń baspasóz qyzmetinen.
Sonymen: 11-30 maýsymda jóndeý jumystaryn júrgizý úshin Seıfýllın kóshesi Ýálıhanov kóshesinen Sembınov kóshesine deıin jartylaı jabylady;
- 11-15 maýsymda Ýálıhanov kóshesiniń Kravtsov kóshesinen Abaı dańǵylyna deıingi bóliginde ortasha jóndeý jumystary júrgiziledi;
- Kravtsov - Ýálıhanov kósheleriniń qıylysy 10-12 maýsymda jartylaı jabylady.
Sonymen qatar, 9-12 maýsymda Dostyq kóshesiniń Turan dańǵylynan Orynbor kóshesine deıingi bóligi jabylady.
Jol jóndeý jumystaryna baılanysty avtobýstardyń qozǵalys syzbasy da ýaqytsha ózgeredi.
2016 jylǵy 11 maýsymnan bastap, №102 ekspress marshrýttyń qozǵalys baǵyty jartylaı ózgeredi: bastapqy pýnkt - Kóktal-2 t/a - Orynbor men № 31 kósheleriniń qıylysyna deıin ózgerissiz, odan ári - Orynbor k-si - Orynbor k-si men Qabanbaı batyr dańǵylynda burylady (Family Town t/k) - Orynbor k-si (№ 31 kóshege kirmeıdi) - odan ári burynǵy syzba boıynsha júredi.
