Elordada keıbir azyq-túlikterdiń jáne qyzmet túrleriniń baǵasy ózgerdi
ASTANA. 9 jeltoqsan. QazAqparat - 2013 jylǵy qarashada Astana qalasynda keıbir azyq-túlikterdiń jáne qyzmetter baǵasy ózgerdi. Bul týraly Statıstıka departamentine silteme jasap astana.kz habarlady.
Bul rette qant 6,3%, ósimdik maıy 0,4% arzandady. Sonymen qatar, jumyrtqa 12,6%, jemister men kókónister 8,2%, balyq pen teńiz ónimderi 1,5%, tuzdalmaǵan sary maı 1,2%, taýyq eti 0,7%, sút ónimderi 0,6%, temeki ónimderi 0,4%, nan, et 0,3%, makaron ónimderiniń baǵasy 0,2% ósti.
Sút taǵamdarynan, qymyz 4,5%, súzbe 1,7%, pasterlengen sút 0,4%, nannan joǵary surypty bıdaı unynan pisirilgen nan 1,4%, qara bıdaı jáne qara bıdaı, bıdaı unynan pisirilgen nan 0,9% qymbattady. Kókónister tobynda qııar 20,2%, qyzanaq 17,9%, qyzylsha 16,3%, kartop 14,4%, basty pııaz 11,8%, sábiz 10,5 % aq qaýdandy qyryqkabat 7,8% artty.
Qatty otyn 0,7%, kıim jáne aıaq kıim, farmatsevtıkalyq ónim 0,2% qymbattady, benzın baǵasy 0,2% ósti.
«Qysqy merzimge ótýge baılanysty ystyq sý tarıfi 25,0% artty, shashtarazdar men jeke qyzmet kórsetý oryndarynyń qyzmeti 0,6%, densaýlyq saqtaý 0,2% qymbattady», - delingen astana.kz saıtynyń habarlamasynda.
