Elordada «Kerýen» men «Ábý-Dabı Plazada» vaktsına egý beketteri ashylady
NUR-SULTAN. QazAqparat – Elordada halyq kóp jınalatyn oryndarda turǵyndarǵa vaktsına salý pýnktteri ashylady. Bul týraly Nur-Sultan qalasynyń bas memlekettik sanıtarlyq dárigeri Sarhat Beısenova aıtyp berdi, dep habarlaıdy QazAqparat tilshisi.
«Qalada 100 egý kabınetinde vaktsınalaýǵa jatatyn kontıngentterdi qamtý jumysy jalǵasýda, onyń ishinde «Mega Silk Way» jáne «Han shatyr» saýda-oıyn ortalyqtarynda egý pýnktteri ashyldy, sondaı-aq basqa da saýda-oıyn ortalyqtary men saýda úılerinde ashý josparda qaralýda. Qazirgi ýaqytta adam kóp jınalatyn jerlerde qosymsha egý kabınetterin ashý boıynsha daıyndyq jumystary júrýde. Jaqyn arada mundaı pýnktter «Kerýen» saýda-oıyn-saýyq ortalyǵy men «Ábý-Dabı Plaza» kesheninde de ashylady», - dedi S. Beısenova elorda ákimdiginde ótken brıfıngide.
Spıkerdiń aıtýynsha, saýda-oıyn-saýyq ortalyqtarynda da medıtsına uıymdary sekildi barlyq sanıtarııalyq-epıdemıologııalyq talaptar saqtalady.
«Bul talaptar – bólme jıyntyǵy, jaraqtandyrý, jyljymaly egý pýnktterin aımaqtarǵa bólý jáne t.b. Qazirgi ýaqytta departament mamandary osy máselelerdiń barlyǵyn pysyqtap jatyr», - dedi spıker.
Aıta keteıik, elordada epıdemıologııalyq jaǵdaı áli de qubylmaly, qalada kúnine 350-den 650-ge deıin jaǵdaı tirkeledi.
