Elordada Kereı, Jánibek handar - Aqmeshit kósheleri qıylysynda jol qozǵalysyna ózgerister engizildi
NUR-SULTAN. QazAqparat – Kereı, Jánibek handar men Aqmeshit kósheleriniń qıylysynda barlyq qatysýshy úshin qaýipsiz jaǵdaı jasaý maqsatynda jol qozǵalysyna ózgerister engizildi, dep habarlaıdy QazAqparat PD baspasóz qyzmetine silteme jasap.
Jol-kólik oqıǵalarynyń sany men sebepterin zerdeleı kele 2020 jyly 250-den astam fakti tirkelgenin, sondaı-aq ýchaske «Botanıkalyq baq» saıabaǵyna qaraı jaıaý júrginshiler baǵytynda ekenin nazarǵa ala otyryp, jaıaý júrginshilerdiń Kereı, Jánibek handar kóshesi arqyly ótýi úshin baǵdarshamnyń janý ýaqyty 18-den 24 sekýndqa deıin ulǵaıtyldy.
Kereı, Jánibek handar kóshesinen Aqmeshit kóshesine qarsy aǵynmen kedergisiz solǵa burylý úshin baǵdarsham obektisiniń qosymsha sektsııalary ornatyldy.
Aqmeshit kóshesi boıyndaǵy burylý manevrleri alynyp tastaldy, sonymen qatar qazirgi ýaqytta qaýipsizdikti qamtamasyz etý maqsatynda Aqmeshit kóshesi boıymen Almaty kóshesi jaǵynan Túrkistan kóshesi baǵytynda qozǵalys kezinde sol jaq burylý manevrlerin alyp tastaý týraly másele qaralýda.
Osyǵan baılanysty barlyq jol qozǵalysyna qatysýshylardan osy ózgeristerdi nazarǵa alýdy jáne qozǵalys baǵytyn aldyn ala josparlaýdy suraıdy.
