Elordada «Kereı men Jánibek» komıksi tanystyryldy
ASTANA. KAZINFORM – Búgin elordadaǵy Ulttyq akademııalyq kitaphanada Kereı men Jánibek handar týraly komıkstiń tusaýkeser rásimi ótti.
Komıks avtory 21 jastaǵy Іlııas ıÝsýpjanovtyń aıtýynsha, otandastarymyzdyń kópshiligi mektep qabyrǵasynda oqyǵan qazaq tarıhyna qatysty derekterdi búginde umytyp qalǵan. Sondyqtan da olardyń jadynda tarıhı derekterdi jańǵyrtý úshin «Otandyq 100 komıks» jobasy qolǵa alynyp otyr.
«Almatyda komıksimdi oqyp úlgergen mektepter bar. Alǵashqy tusaýkeseri de sol jaqta ótti. Oqýshylarǵa Qazaq handyǵynyń tarıhyna qatysty saýal qoıǵanymda kópshiligi jaýap berýge daıyn boldy. Menińshe, bul «Kereı men Jánibek» komıksiniń nátıjesi», - dedi jas qalamger.
Ulttyq akademııalyq kitaphana basshysy Ǵazıza Nurǵalıeva mundaı komıkster balalardy kúrdeli ádebı shyǵarmalardy oqýǵa daıyndaýǵa tamasha múmkindik ekendigin aıtady. Onyń paıymynsha, komıks oqıǵany sýrettermen sıpattaý arqyly-aq jastardyń arasynda óte tanymal bolyp tur.
«Almatyda komıkster buryshyn ashqan edik. Dúkender ártúrli janrdaǵy 500 komıks berdi. Dál osy burysh jasóspirimder men balalar arasynda barlyq ýaqytta da óte tanymal. Endi osy jerde de sondaı burysh ashyp, jastarymyzǵa qazaqtyń ulttyq batyrlaryn tanytqymyz keledi», - dedi Ǵazıza Nurǵalıeva.
Foto: Vıktor Fedıýnın/ Kazinform
