Elordada kepteliske baılanysty avtobýstar 50 mınýtqa deıin keshigip jatyr

ASTANA. QazAqparat – Astanada qoǵamdyq kóliktiń aıaldamalar arasyndaǵy ıntervaly 50 mınýtqa deıin jetti. Buǵan qaladaǵy keptelister sebep, dep habarlaıdy QazAqparat City Transportation Systems kompanııasyna silteme jasap.

«Qazirgi ýaqytta qala kóshelerindegi keptelisterge baılanysty, avtobýs marshrýttarynyń 50 mınýtqa deıin keshigýi bar. Qoǵamdyq kólikke arnalǵan jolaǵy joq ýchaskelerde avtobýstar ıntervalynyń aýytqýy asa baıqalady. Elorda joldarynda kommýnaldyq qyzmetter kúsheıtilgen rejımde jumys istep jatyr. Bizdiń kompanııanyń dıspetcherlik qyzmeti qaladaǵy qoǵamdyq kólikterdiń qozǵalysyn onlaın rejımde baqylap otyr», - delingen kompanııa habarlamasynda.

Buǵan deıin habarlaǵanymyzdaı, elordada qys túskeli 3 mln tekshe metrge jýyq qar shyǵaryldy. Tek 7 aqpanǵa qaraǵan túni 9,4 myń tekshe metr nemese 721 reıs qar jınaldy.

Sondaı-aq qazir qalada sý tasqynyna qarsy sharalar júrgizilip jatyr.