Elordada keń aýqymdy qalalyq senbilikter ótedi
ASTANA. QazAqparat - Astana qalasyn abattandyrý, kógaldandyrý jáne sanıtarlyq tazartý boıynsha jumystardy ýaqytyly úılestirý maqsatynda 29 sáýir men 13 mamyr kúnderi elordada «Biz taza qala úshin!» jalpyqalalyq senbilikterdi ótkizý josparlanǵan, dep habarlaıdy elordanyń baspasóz qyzmeti.
Onyń aıasynda 29 sáýir men 13 mamyr kúnderi elordada «Biz taza qala úshin!» atty uranmen jalpyqalalyq senbilikterdi ótkizý josparlanǵan. Sondaı-aq, elorda ákiminiń tapsyrmasy boıynsha ekologııalyq aılyqty jáne jalpyqalalyq senbilikti ótkizý boıynsha shtab qurylyp, onyń quramyna qala ákiminiń orynbasarlary jáne qalalyq basqarmalar men qyzmetterdiń basshylary endi.
Ekologııalyq aılyq ótetin kezeńde bilim men densaýlyq saqtaý mekemelerine bekitilgen aýmaqtardy júıeli túrde tazartý, kógaldandyrý uıymdastyrylady. Sondaı-aq, sý nysandarynyń munaı ónimderimen, turmystyq jáne óndiristik qaldyqtarmen lastanýyn boldyrmaý maqsatynda atalǵan nysandardy turaqty baqylaýǵa alý kózdelgen.
Ekologııalyq aılyq barysynda jeke turǵyn úı oramdarynda turmystyq qaldyqtardy ortalyqtandyrylǵan jınaý jumystary qamtamasyz etiledi, qoǵamdyq kóliktiń sanıtarlyq jaǵdaıy tekseriledi.
Aýdandar ákimderiniń apparattary, qalalyq basqarmalar, kommýnaldyq kásiporyndar bul jumystarǵa 100 myńnan asa adamdy, 4 452 memlekettik mekemeni tartýdy josparlap otyr. Ekologııalyq aılyqqa qatysatyn mekemelerdiń arasynda kásiporyndar, densaýlyq saqtaý nysandary, orta mektepter, JOO, qurylys uıymdary, shaǵyn jáne orta bıznes nysandary bar. Sonymen birge, 425 dana arnaıy tehnıka men 15 myńnan asa qural paıdalanylady.
Senbilik barysynda qalanyń aýmaǵyn sanıtarlyq tazartý, aǵash kóshetterin otyrǵyzý, aýlalardy jáne oramishilik aýmaqtardy abattandyrý, shaǵyn arhıtektýralyq formalardy ornatý, trotýarlardy keńeıtý josparlanǵan.
