Elordada kelinshek qarýly adamdar tonady dep jalǵan aryz bergen
ASTANA. QazAqparat - Astanada turǵyndardyń bergen jalǵan shaǵymdary boıynsha qylmystyq ister tergelip jatqany týraly habar berdi, dep habarlaıdy QazAqparat.
Qalalyq ІІD málimetinshe, 36 jastaǵy er adam polıtsııaǵa habarlasyp, kóshede belgisiz bireý uıaly telefonyn, qujattary men aqshasy salynǵan ámııanyn tartyp áketti dep aryzdanǵan. Atalmysh fakti boıynsha «Tonaý» babyna sáıkes sotqa deıin tergeý amaldary bastalyp ketti. Alaıda, tergeý barysynda er adam oqıǵany oıdan shyǵaryp, telefon men ámııanyn ózi joǵaltyp alǵanyn aıtqan.
Qazirgi tańda er adamǵa qatysty QR QK-niń 419-baby (kórineý jalǵan sóz jetkizý) boıynsha sotqa deıin tergeý amaldary júrgizilýde.
Ekinshi jaǵdaıda polıtsııaǵa kelinshek taksıde eki belgisiz adam pyshaqpen qorqytyp, uıaly telefony men ámııanyn tartyp aldy dep shaǵym túsirgen. Atalmysh fakti QR QK («Qaraqshylyq») baby boıynsha tirkelgen. Tergeý barysynda kelinshek tonaýshylardy oıdan shyǵaryp, uıaly telefonyn ózi qaldyryp ketkenin jáne dál osyndaı jolmen polıtsııa ony taýyp beretinine sengenin aıtqan.
31 jastaǵy kelinshekke adamǵa da qatysty QR QK-niń 419-baby (kórineý jalǵan sóz jetkizý) boıynsha sotqa deıin tergeý amaldary júrgizilýde.
Polıtseıler jalǵan shaǵym úshin qylmystyq jaýapkershilik qarastyrylǵanyn eskertedi. Mundaı habar boıynsha qylmystyq is qozǵalyp, tergeý júrgiziledi, dál osyndaı jaǵdaı polıtsıeılerdiń naqty qylmystar men quqyq buzýshylyqtarmen aınalysýyna kedergi keltiredi.
