Elordada kelinder saıysy ótedi
ASTANA. Naýryzdyń 4-i. QazAqparat - Erteń, naýryzdyń 5-inde elordadaǵy QR Prezıdenttik mádenıet ortalyǵynda 8-shi naýryz halyqaralyq áıelder merekesine oraı kelinder saıysy ótedi.
Bul aqparatty atalǵan ortalyqtyń baspasóz qyzmeti taratyp otyr.
«Kelinder básekesinde QR Prezıdenttik mádenıet ortalyǵynyń qurylymdyq bólimderinde jumys isteıtin kelinshekter, ulttyq ádet-ǵuryp pen salt-dástúr, ulttyq as pisirý men shaı quıý, maqal-mátelder men kórkemsóz oqý, ismerlik pen qolóner sheberlikterin qanshalyqty meńgergenderin kórsetip, saıysqa túsedi», delingen habarlamada.
Kelinder saıysyn ótkizýdegi negizgi maqsat - ulttyq tárbıeni jandandyrý, eskini qaıta jańǵyrtý arqyly ejelden mıras qazaq kelinderiniń ınabattylyǵy men ıbalyǵyn barsha jurtqa nasıhattaý. Halqymyzdyń ertedegi salt-joralǵylary: ata men enege sálem salý, qaıyn ini men qaıyn sińlige at qoıý, úlkenniń atyn atamaý úrdisterin qaıta jańǵyrtý.
Baspasóz qyzmetiniń habarlaýynsha, saıys sońynda, barlyq qatysýshylar birigip, qazaqtyń ulttyq «qara jorǵa» bıin oryndamaq. Al kelinder ónerin QR Prezıdenttik mádenıet ortalyǵy ishinen saılanǵan qazylar alqasy baǵalaıdy.
