Elordada Kedendik baqylaý departamentiniń 18 ókiletti tulǵasy jaýapkershilikke tartyldy
ASTANA. 14 shilde. QazAqparat - Sońǵy alty aıda Astana qalasy jáne Aqmola oblysynyń Kedendik baqylaý departamentiniń qyzmettik tergeýi barysynda departamenttiń 18 ókiletti tulǵasy tártiptik jaýapkershilikke tartyldy,
dep habarlaıdy atalmysh memorgannyń baspasóz qyzmeti.
Sonyń ishinde, baspasóz qyzmeti málim etkenindeı, 18 qyzmetkerdiń 1-eýi jemqorlyq quqyqbuzýshylyq boıynsha jazaǵa tartylǵan.
«Astana qalasy boıynsha KBD Іshki qaýipsizdik bólimi qyzmetkerler arasynda jemqorlyqpen kúreste turaqty túrde jumys jasap keledi», - delingen habarlamada.
Osy maqsatta departament basshylyǵy qazaqstandyq ári shetel azamattarynyń ótinish-aryzdaryn nazardan tys qaldyrǵan emes. Máselen, 2011 jyldyń 6 aıynda atalmysh bólimge jeke jáne zańdy tulǵalardan 7 aryz kelip túsken. Onyń barlyǵy tekserilip, tıisti faktiler anyqtalýda.
