Elordada keden organdarynyń fıskaldyq qyzmetin jetildirý taqyrybynda semınar-keńes ótedi
ASTANA. 19 qazan. QazAqparat - 20-21 qazan kúnderi QR Kedendik baqylaý komıteti Kedendik kirister basqarmasynyń «Qazaqstan Respýblıkasy keden organdarynyń fıskaldyq qyzmetin jetildirý» taqyrybyndaǵy semınar-jınalysy ótkiziledi, dep habarlady vedomstvonyń baspasóz qyzmetinen.
Semınar barysynda Keden odaǵynyń jumys isteýi aıasynda tarıfterdi retteý jáne salyq salý, kedendik tólemder men salyqtardan bosatý tártibi, keıinge qaldyryp tóleýdiń sharttary men tártibi, sondaı-aq keıbir taýarlardy synyptaý jáne kedendik qunǵa baqylaý máselelerine qatysty normatıvtik baza men quqyq qoldaný tájirıbesindegi ózgerister týraly máseleler kóteriledi.
Negizgi máselelerdiń biri retinde kedendik tólemder men salyqtar boıynsha qaryzdardy óndirip alý jáne eseptep shyǵarý máseleleri qaralatyn bolady.
«Qazynashylyq jáne Salyq komıtetteriniń qyzmetkerleri bıýdjetke tólengen kedendik tólemder men salyqtardy rastaıtyn bıýdjettik synyptaý kody boıynsha túsimderdiń kún saıynǵy esep nysandaryn keden organdaryna tapsyrý boıynsha problemalyq máseleler men ony sheshý joldary týraly, sondaı-aq ımporttalatyn taýarlardan alynatyn qosylǵan qun salyǵyn esepke alý ádisimen tóleý jáne sol taýarlardy odan keıin paıdalaný sharttary, ımporttalǵan taýarlardyń qosylǵan qun salyǵyn tóleýdiń merzimin ózgertý máselelerin jarııa etedi», - delingen habarlamada.
