Elordada QDT ekstremıstik uıymynyń belsendileri ustaldy
Nur-Sultan qalasy polıtsııa departamentiniń tergeý basqarmasy «Qazaqstannyń demokratııalyq tańdaýy» (QDT) ekstremıstik uıymyna qatysy bar birneshe azamatqa qatysty is qozǵady. Olarǵa QR QK 405-baby boıynsha aıyp taǵylǵan.
«Qylmystyq is aıasynda 9 adamǵa qatysty tintý júrgizilip, ol jerden kompıýterler, fleshkalar, smartfondar, mıkrofondar jáne aerozoldy boıaýlar alyndy. Sottyń sanktsııasymen úsh azamat qamaýǵa alyndy, qalǵandaryna qatysty tergeý áreketteri júrgizilýde» delingen habarlamada.
Sonymen qatar, áleýmettik jelilerge monıtorıng júrgizý barysynda qoǵamdyq oryndarǵa paraqshalar japsyryp, áleýmettik jelilerde aqparat taratý arqyly ruqsat etilmegen mıtıngige shaqyrǵan elordanyń 7 turǵyny - M. Mambetov, A. Onlanbekqyzy, A. Mýstafına, I.A. Gorohov, A.K. Nýrýsheva, E.B. Eshojın, K. Baınýkeı anyqtalyp, ustaldy. Olardan kompıýter, protsessorlar, fleshkalar men smartfondar tárkilendi. Tıisti saraptama taǵaıyndaldy.
«Atalǵan azamattar Nur-Sultan qalasy boıynsha mamandandyrylǵan ákimshilik sotynyń qaýlysymen QR ÁQBtK 488-baby 3-bóligi boıynsha ákimshilik jaýapqa tartylyp, qamaýǵa alyndy. Saraptama qorytyndysy boıynsha protsessýaldyq sheshim qabyldanady» dep málim etti vedomstvodan.
Polıtsııa departamenti QDT tirkelmegen ekstremıstik uıymynyń qyzmetine tyıym salynǵanyn, QDT belsendileri uıymdastyrǵan sanktsııalanbaǵan mıtıngilerge qatysqan jaǵdaıda QR zańnamasyna sáıkes jaýapkershilik qarastyrylǵanyn eskertedi.
