Elordada «KazMeat&Milk 2010» atty I Halyqaralyq mal sharýashylyǵy forýmy ótedi
ASTANA. Shildeniń 8-i. QazAqparat /Marlan Jıembaı/ - Shildeniń 30-ynda elordada «KazMeat&Milk 2010» atty I Halyqaralyq mal sharýashylyǵy forýmy ótedi. Bul týraly búgin Astanada ótken baspasóz máslıhaty barysynda Aýyl sharýashylyǵy vıtse-mınıstri Arman Evnıev málim etti.
Onyń atap ótýinshe, atalǵan forýmǵa Qazaqstan, Reseı, Belarýs, Eýropa jáne Kanada elderiniń jetekshi et jáne sút ónimderin óndirýshileri qatyspaq. Sonymen qatar Dúnıejúzilik azyq-túlik uıymy men Dúnıejúzilik banktiń ókilderi de qatysatyn bolady.
Alqaly jıyn aıasynda et óndirýshiler jáne et ónimderin qaıta óńdeýshilerdiń І sezi uıymdastyrylatyn atap ótken vıtse-mınıstr «Kásipkerlerdiń ózderi kúshterin toptastyrýǵa nıetti bolyp otyr. Óıtkeni birleskende ǵana biz Keden odaǵy boıynsha kórshilerimizdiń jáne basqa da elderdiń naryǵyna jetkizý kólemin shoǵyrlandyra alamyz», dep atap ótti.
Forým «Qaraótkel 2010» jármeńkesi aıasynda «RIXOS President Astana» qonaq úıinde ótedi.
