Elordada qazirgi bessaıystan Azııa chempıonaty bastalady
ASTANA. 26 qyrkúıek. QazAqparat - 26 qyrkúıek pen 4 qazan aralyǵynda Astana qalasynda alǵash ret qazirgi bessaıystan Azııa chempıonaty ótedi.
«Jarysqa toǵyz memleketten sportshylar qatysady. Osy sport túrin aldaǵy ýaqytta damytý josparlarymyz bar. Atap aıtqanda, elordadaǵy Azııa chempıonaty osy baǵytty damytýǵa óziniń úlesin qosatynyna senimdimiz», - dedi búgingi baspasóz máslıhaty barysynda QR Sport jáne dene shynyqtyrý isteri agenttigi tóraǵasynyń orynbasary Elsııar Qanaǵatov.
Aıta keteıik, chempıonat aıasynda elordada Japonııa, Ońtústik Koreıa, Qytaı, Qazaqstan, Úndistan, Avstralııa, Qytaılyq Taıpeı, Ózbekstan, Qyrǵyzstan elderinen kelgen sportshylar tartysqa túsedi.
Qazirgi bessaıys bes sport túri bir keshende úılestirilgen. Onda semserlesý, júzý, konkýr, júgirý jáne atý saıystary qamtylǵan.
Ulttyq quramadaǵy el namysyn qorǵaıtyn er sportshylardyń arasynda Pavel Ilıashenko, Rýstem Sabırhýzın men Andreı Soldatov bar, al qyzdar arasynda Ksenııa Aleksandrova, Darıa Halzova jáne ıÝlııa Kolegova tartysqa túsedi.
